నేడు, రేపు ఖతార్‌‍లో కేంద్రమంత్రి హర్దీప్ సింగ్ పూరీ పర్యటన

పశ్చిమాసియాలో నెలకొన్న సంక్షోభం నేపథ్యంలో భారత్ తన ఇంధన అవసరాలను తీర్చుకునేందుకు వ్యూహాత్మకంగా ముందుకు సాగుతోంది. ఈ క్రమంలో కేంద్ర పెట్రోలియం, సహజ వాయువు శాఖ మంత్రి హర్దీప్ సింగ్ పూరీ ఏప్రిల్ 9, 10 తేదీల్లో ఖతార్‌ను సందర్శించనున్నారు. భారతదేశం తన గ్యాస్ దిగుమతుల్లో సుమారు 41% ఖతార్ నుంచే పొందుతోంది. ఈ పర్యటన, ఇంధన భద్రతను ధృవీకరించుకోవడానికి, సరఫరా గొలుసులో అంతరాయం కలగకుండా చూసుకోవడానికి కీలకమైనది.