వాట్సాప్ యూజర్ నేమ్ ఫీచర్‌పై కేంద్రం నజర్!

వాట్సాప్‌లో త్వరలో రానున్న యూజర్ నేమ్ ఫీచర్‌పై కేంద్ర ప్రభుత్వం దృష్టి సారించింది. ఈ ఫీచర్ ద్వారా యూజర్లు తమ ఫోన్ నంబర్ బహిర్గతం చేయకుండానే యూజర్ నేమ్ ద్వారా చాట్ చేయవచ్చు. అయితే, ఈ కొత్త ఫీచర్ ద్వారా ఆన్‌లైన్ మోసాలు, తప్పుడు సమాచారం వ్యాప్తి వంటి అంశాలపై కేంద్రం ఆందోళన వ్యక్తం చేస్తోంది. భద్రతాపరమైన అంశాలను పరిశీలించిన తర్వాతే ఈ ఫీచర్‌కు అనుమతి లభించనుంది. ఈ ఏడాది చివరి నుంచి అందుబాటులోకి రానున్న ఈ ఫీచర్, ఫేస్‌బుక్, ఇన్‌స్టాగ్రామ్ మాదిరిగానే పనిచేస్తుంది.