ఫార్మసీ విద్యార్థులకు పశు ఔషధి విక్రయ కేంద్రాలు ఏర్పాటు

ఏపీ ప్రభుత్వం బీఫార్మసీ లేదా డీఫార్మసీ చదివిన ఫార్మసీ విద్యార్థులకు శుభవార్త అందించింది. రాష్ట్రవ్యాప్తంగా పశు ఔషధి విక్రయ కేంద్రాలను ఏర్పాటు చేయాలని ప్రభుత్వం నిర్ణయించింది. కేంద్ర సహకారంతో ఈ కేంద్రాలు ఏర్పాటు కానున్నాయి. అర్హత, ఆసక్తి కలిగిన ఫార్మసీ విద్యార్థులు ఆన్‌లైన్‌లో దరఖాస్తు చేసుకోవాలని ఏపీ పశుసంవర్ధక శాఖ అధికారులు సూచించారు. జాతీయ పశువుల వ్యాధి నియంత్రణ కార్యక్రమం కింద ఈ కేంద్రాలు ఏర్పాటు చేయనున్నారు.