సాలూరు-విశాఖ మెము రైలు కోసం జూన్ 3న ధర్నా

సాలూరు-బొబ్బిలి మీదుగా విశాఖపట్నం వరకు రైలు వెంటనే నడపాలని, బొబ్బిలి రైల్వే వ్యాగన్ లోడింగ్, అన్‌లోడింగ్ పాయింట్ పునరుద్ధరించాలని డిమాండ్ చేస్తూ జూన్ 3 ఉదయం 8 గంటలకు బొబ్బిలి రైల్వే స్టేషన్ వద్ద ధర్నా నిర్వహించనున్నట్లు నాయకులు తెలిపారు. ఈ మేరకు కరపత్రాలు విడుదల చేశారు. రైలు రద్దుతో పది గ్రామాల ప్రజలు విద్య, వైద్యం, రవాణాలో ఇబ్బందులు పడుతున్నారని ఆవేదన వ్యక్తం చేశారు. కార్యక్రమంలో పి. శంకర్రావు, మెరుగని గోపాలం, ఎం. శ్రీనివాస్, కె. అప్పన్న, మువ్వల శ్రీనివాసరావు పాల్గొన్నారు.