బొబ్బిలిలో కొత్త బాలుర వసతి గృహం ప్రారంభం

విజయనగరం జిల్లా బొబ్బిలి మండలం పారాది గ్రామంలో నూతనంగా నిర్మించిన ప్రభుత్వ బాలుర వసతి గృహాన్ని జిల్లా కలెక్టర్ ఎస్.రామసుందర్ రెడ్డి, ఎమ్మెల్యే ఆర్.వీ.ఎస్.కె.కె.రంగారావు (బేబీ నాయన) ఘనంగా ప్రారంభించారు. ఎమ్మెల్యే ఆహ్వానం మేరకు కలెక్టర్ ఈ కార్యక్రమంలో పాల్గొని రిబ్బన్ కట్ చేసి వసతి గృహాన్ని ప్రారంభించారు. ఈ కార్యక్రమంలో జనసేన పార్టీ ఇంచార్జ్ గిరడ అప్పలస్వామి, టీడీపీ సీనియర్ నాయకులు అల్లాడ భాస్కరరావు, ఆర్డీవో రామ్మోహన్ రావు, ఎంపీడీవో రవికుమార్, ఇతర ప్రభుత్వ అధికారులు, పార్టీ కార్యకర్తలు పాల్గొన్నారు.