బొబ్బిలిలో వాహనాల విస్తృత తనిఖీ
బొబ్బిలి పట్టణంలో సోమవారం పోలీసులు వాహనాల విస్తృత తనిఖీలు నిర్వహించారు. సీఐ నారాయణరావు నేతృత్వంలో జరిగిన ఈ ప్రత్యేక డ్రైవ్లో అనుమానిత వ్యక్తులు, వాహనాలు, పదార్థాలపై తనిఖీలు చేపట్టారు. వాహనదారులు తప్పనిసరిగా పత్రాలు వెంట తీసుకువెళ్లాలని, హెల్మెట్ ధరించాలని సూచించారు. మైనర్లకు వాహనాలు ఇవ్వవద్దని తల్లిదండ్రులను హెచ్చరించారు. నంబర్ ప్లేట్లు, పత్రాలు లేని వాహనాలను సీజ్ చేస్తామని పోలీసులు తెలిపారు.
