వెంకమ్మ చెరువుకు పునర్జీవం.. రైతుల్లో ఆశలు

మన్యం జిల్లా వీరఘట్టం మండలం వి. వెంకంపేటలో దశాబ్దాలుగా పూడికతో నిండిపోయిన వెంకమ్మ చెరువుకు పునరుద్ధరణ పనులు చేపట్టడంతో రైతుల్లో ఆశలు చిగురించాయి. 81 ఎకరాల విస్తీర్ణంలో ఉన్న చెరువుకు ‘జలధారా-జలహారతి’ కార్యక్రమంలో భాగంగా పూడిక తొలగింపు, గట్లు బలోపేతం, కాలువల మరమ్మతులు జరుగుతున్నాయి. 456 ఎకరాల ఆయకట్టుకు సాగునీరు అందడంతో పాటు భూగర్భ జలాలు పెరిగి తాగునీటి సమస్య కూడా తగ్గనుంది. పూడిక మట్టితో భూములు సారవంతమవుతాయని రైతులు ఆనందం వ్యక్తం చేస్తున్నారు.