రీ-సర్వే పనులకు వేగం పెంచాలి: జాయింట్ కలెక్టర్

పార్వతీపురం మన్యం జిల్లాలో భూ రీ-సర్వే పనులను నిర్దేశిత గడువులోగా పూర్తి చేయాలని జాయింట్ కలెక్టర్ సి. యశ్వంత్ కుమార్ రెడ్డి అధికారులను ఆదేశించారు. కలెక్టరేట్‌లో తహసీల్దార్లతో నిర్వహించిన సమీక్షలో, భూ రికార్డుల ప్రక్షాళన ద్వారా రైతులకు శాశ్వత హక్కులు లభిస్తాయని ఆయన తెలిపారు. సర్వే పనులను క్షేత్రస్థాయిలో పర్యవేక్షిస్తూ, అభ్యంతరాలు, సరిహద్దు వివాదాలను పారదర్శకంగా పరిష్కరించాలని సూచించారు. నిర్లక్ష్యం వహిస్తే కఠిన చర్యలు తప్పవని హెచ్చరించారు.