ఎదురెదురుగా బైకులు ఢీకొని నలుగురికి గాయాలు

రేగిడి మండలం కాగితాపల్లి సమీపంలో మంగళవారం జరిగిన రోడ్డు ప్రమాదంలో నలుగురు గాయపడ్డారు. పోరాం గ్రామానికి చెందిన హరనాథ్‌, సత్యవతి, జగన్నాథపురం గ్రామానికి చెందిన పడాల మురళి, రత్నం ప్రయాణిస్తున్న రెండు ద్విచక్రవాహనాలు ఎదురెదురుగా ఢీకొన్నాయి. ఈ ప్రమాదంలో సత్యవతికి తీవ్ర గాయాలు, హరనాథ్‌కు కాలు విరిగింది. మురళి, రత్నం స్వల్ప గాయాలతో బయటపడ్డారు. క్షతగాత్రులను రాజాం ఆసుపత్రికి తరలించారు. పోలీసులు కేసు నమోదు చేశారు.