మంత్రి సంధ్యారాణి పీఏ ప్రవర్తనపై మాజీ సీఎం జగన్ తీవ్ర ఆగ్రహం

మంత్రి గుమ్మడి సంధ్యారాణి వ్యక్తిగత సహాయకుడు సతీష్ ఒక మహిళతో అనుచితంగా ప్రవర్తించాడని వచ్చిన ఆరోపణలపై మాజీ ముఖ్యమంత్రి వైఎస్ జగన్ తీవ్ర ఆగ్రహం వ్యక్తం చేశారు. ఈ ఘటనపై స్పందించిన ఆయన, ఇంత పెద్ద ఆరోపణలు ఉన్నా అరెస్టు చేయకపోవడం దారుణమని, చట్టం అందరికీ సమానం కావాలని, ఇలాంటి వ్యక్తులపై వెంటనే చర్యలు తీసుకోవాలని అన్నారు. మహిళల గౌరవాన్ని కించపరిచే చర్యలపై ఖచ్చితమైన చర్యలు తీసుకోవడం ప్రభుత్వ బాధ్యత అని జగన్ పేర్కొన్నారు.