గాయత్రీ తపస్వి కేంద్రంలో ఆకాశ దీపం వెలిగింపునకు సన్నాహాలు

శృంగవరపుకోట మండలం రాజీపేటలోని గాయత్రీ తపస్వి ఆధ్యాత్మిక కేంద్రంలో ప్రతి ఏడాది కార్తీక్ పౌర్ణమి సందర్భంగా వెలిగించే ఆకాశ అఖండ దీప ప్రజ్వలనకు ఏర్పాట్లు పూర్తయ్యాయి. 40 అడుగుల ఎత్తులో, 300 కేజీల ఆవు నెయ్యి, 300 మీటర్ల వత్తి, 9 కేజీల కర్పూరంతో ఈ దీపాన్ని వెలిగిస్తారు. ఈ దీప ప్రజ్వలన దర్శనానికి 10,000 మందికి పైగా భక్తులు వస్తారని అంచనా వేసి, వారికి మధ్యాహ్నం భోజన ఏర్పాట్లు చేశారు. భక్తులకు ఎటువంటి ఇబ్బందులు కలగకుండా అన్ని సదుపాయాలు కల్పించినట్లు నిర్వాహకులు తెలిపారు.