గోడ కూలి వృద్ధురాలి దుర్మరణం

విజయనగరంలో విషాదకర ఘటన చోటుచేసుకుంది. శుక్రవారం, గోకపేటలో నివాసం ఉంటున్న ఆర్. సన్యాసమ్మ (74) అనే వృద్ధురాలు కాలకృత్యాలు తీర్చుకునేందుకు నడిచి వెళ్తుండగా, ఇటీవల కురిసిన వర్షాలకు నాని బలహీనపడిన పెంకిటిల్లు గోడ ఒక్కసారిగా కూలిపోయింది. ఈ దుర్ఘటనలో వృద్ధురాలు గోడ కింద ఇరుక్కుపోయి తీవ్రగాయాలతో అక్కడికక్కడే మృతి చెందింది. ఈ ఘటనపై కేసు నమోదు చేసుకుని దర్యాప్తు చేస్తున్నట్లు ఒకటో పట్టణ ఎస్సై లక్ష్మునాయుడు తెలిపారు. మృతురాలికి ఇద్దరు కుమార్తెలు, ఒక కుమారుడు ఉన్నారు.