1 కిలోమీటర్ దూరం నుంచి మంచినీరు మోసుకొస్తున్న గిరిజన మహిళలు

అల్లూరి సీతారామరాజు జిల్లా, అరకు వ్యాలీలోని అనంతగిరి మండలం టోకూరు పంచాయితీ, సీసాగూడ గ్రామంలో తాగునీటి సమస్య తీవ్రమైంది. వర్షం కారణంగా సోలార్ పనిచేయకపోవడంతో, గిరిజన మహిళలు రెండు రోజులుగా 1 కిలోమీటరు దూరంలోని బగుమారవలస నుంచి నీటిని మోసుకువస్తున్నారు. జలజీవన్ మిషన్ కింద మంజూరైనప్పటికీ, టోకూరు వద్ద బోరు వేసి సంవత్సరం గడుస్తున్నా అధికారులు పట్టించుకోవడం లేదని గ్రామస్తులు ఆరోపిస్తున్నారు. ఇప్పటికైనా స్పందించి తమ తాగునీటి సమస్యను పరిష్కరించాలని వారు కోరుతున్నారు.