జూలై 23 నుంచి దుర్గాలమ్మ పండుగ మహోత్సవం ప్రారంభం

అనకాపల్లి, మాడుగుల సమీపంలోని M. కోడూరు గ్రామంలో శ్రీశ్రీశ్రీ దుర్గాలమ్మ తల్లి పండుగ మహోత్సవాన్ని జూలై 23న నిర్వహించాలని ఆలయ కమిటీ, గ్రామ పెద్దలు ఆదివారం నిర్ణయించారు. ఈ మేరకు ఆలయ నిర్వాహకులు కోలా రాము, కమిటీ సభ్యులు తెలిపారు. జూలై 15న గ్రామ చాటింపు వేసి, 23న తొమ్మిది రోజుల పాటు పండుగ నిర్వహించనున్నట్లు వెల్లడించారు. భక్తులు అమ్మవారిని దర్శించుకుని కృపకు పాత్రులు కావాలని కమిటీ ఆకాంక్షించింది. ఈ కార్యక్రమంలో ఆలయ కమిటీ సభ్యులు, గ్రామ పెద్దలు పాల్గొన్నారు.