ఉద్యానవనంలో మందుబాబులు ఆగడాలు

నాతవరం మండల కేంద్రమైన నాతవరం ప్రాథమిక ఆరోగ్య కేంద్రం వద్ద ఉన్న మన ఊరి ఉద్యానవనంలో మందుబాబులు ఆగడాలతో ప్రశాంత వాతావరణం కరువవుతుంది. పార్కులు అంటే సాయంకాలం వేళ సేద తీరే ప్రశాంత నిలయాలు, కానీ ఈ పార్కును కొందరు మందుబాబులు బార్ గా మార్చేశారు. బెంచీలు పై మందుకొడుతూ ఆహ్లాదకర వాతావరణాన్ని నాశనం చేస్తున్నారు. దీంతో పార్కుకు వచ్చేందుకు భయపడుతున్నారు. పోలీసులు స్పందించి మందుబాబులు పై చర్యలు తీసుకోవాలని పలువురు కోరుతున్నారు.