అనకాపల్లి; ఆదానితో కలిపి ప్రాజెక్టులు పరిశీలించిన ఎంపీ

ఆదాని గ్రూప్ చైర్మన్ గౌతమ్ ఆదాని ఆదివారం కడప జిల్లాలో పర్యటించి, గండికోట, చిత్రావతి, కొప్పోలు ప్రాంతాల్లో నిర్మాణంలో ఉన్న పంప్డ్ స్టోరేజ్ హైడ్రోఎలక్ట్రిక్ ప్రాజెక్టులను పరిశీలించారు. అనకాపల్లి పార్లమెంట్ సభ్యులు సి. యం. రమేష్ ఆయనతో కలసి ప్రాజెక్టులను సందర్శించారు. ఈ ప్రాజెక్టులు ప్రాంతీయ అభివృద్ధి, ఉపాధి అవకాశాల కల్పన, విద్యుత్ రంగ బలోపేతానికి దోహదం చేస్తాయని ఎంపీ తెలిపారు. ఈ మేరకు ఆదివారం రాత్రి ఎంపీ కార్యాలయం ఒక ప్రకటన విడుదల చేసింది.