అనకాపల్లి వాసవి కన్యకా పరమేశ్వరికి స్వర్ణ శ్రీ చక్రం

అనకాపల్లిలోని వందేళ్ల చరిత్ర కలిగిన శ్రీ కన్యకా పరమేశ్వరి దేవస్థానంలో మంగళవారం దివంగత కందుల లక్ష్మి సూర్యం గుప్త జ్ఞాపకార్థం, వారి కుటుంబ సభ్యులు రూ. 1.50 లక్షల విలువైన 9 గ్రాముల బంగారు శ్రీ చక్రం లాకెట్‌ను అమ్మవారికి కానుకగా సమర్పించారు. ఈ లాకెట్‌ను ఆలయ కమిటీ సభ్యులకు కడిమిశెట్టి లక్ష్మీ చిదంబరం (నవీన్) మరియు నాగ మాధురి అందజేశారు. ఈ కార్యక్రమంలో ఆలయ అధ్యక్షుడు వుప్పల రవిరామ్ జవహర్, కార్యదర్శి సోమరాజు, కోశాధికారి అచ్యుతరామయ్య, ఉత్సవ కమిటీ చైర్మన్ గ్రంధి వివిఎస్ మాణిక్యం తదితరులు పాల్గొన్నారు.