అరకు ఆసుపత్రిలో ఎస్టీ కమిషన్ ఆకస్మిక తనిఖీ

అరకులోయ ప్రభుత్వ ఏరియా ఆసుపత్రిలో ఆంధ్రప్రదేశ్ ఎస్టీ కమిషన్ సభ్యుడు కిల్లో సాయిరామ్ బుధవారం ఆకస్మిక తనిఖీ చేశారు. ఆసుపత్రిపై వస్తున్న ఫిర్యాదుల నేపథ్యంలో ఆయన ఈ పర్యటన చేపట్టారు. ఈ సందర్భంగా 108 అంబులెన్స్ కొరతతో అత్యవసర సేవలు ఆలస్యమవుతున్నాయని, సిటీ స్కాన్ సౌకర్యం కల్పించాలని వైద్యులు ఆయనకు విన్నవించారు. ఆసుపత్రిలో చికిత్స పొందుతున్న రోగులతో మాట్లాడి, వారికి అందుతున్న సేవలు, పౌష్టికాహారం గురించి ఆరా తీశారు.