గంజాయి అక్రమ రవాణా కేసులో నలుగురీకు 10 ఏళ్ల కారాగార శిక్ష

అనకాపల్లి జిల్లా చోడవరం తొమ్మిదవ అదనపు జిల్లా కోర్టు గంజాయి అక్రమ రవాణాకు పాల్పడుతున్న నలుగురు నిందితులకు పదేళ్ల కఠిన కారాగార శిక్షతో పాటు లక్ష రూపాయల జరిమానా విధిస్తూ చారిత్రాత్మక తీర్పునిచ్చింది. న్యాయమూర్తి ఎం. హరినారాయణ బుధవారం ఈ తీర్పు వెలువరించారు. 2017 జనవరి 8న కొత్తకోట పోలీస్ స్టేషన్ పరిధిలో నమోదైన ఈ కేసులో పెంట శ్రీనివాసరావు, వలబుల నూకరాజు, సుర్ల రమణ, కర్రి రామారావు అనే నిందితులపై మోపబడిన నేరం రుజువు కావడంతో ఈ శిక్ష విధించారు. అనకాపల్లి ఎస్పీ తుహీన్ సిన్హా ఈ వివరాలను అందించారు.