రోడ్డు ప్రమాదంలో మహిళ స్పాట్‌డెడ్

విజయనగరం జిల్లా పూసపాటిరేగ మండలం కందివలస జాతీయ రహదారిపై ఆదివారం జరిగిన రోడ్డు ప్రమాదంలో విశాఖకు చెందిన కోన రమ (44) అనే మహిళ మృతి చెందారు. కొమ్మాదికి చెందిన రమ, శ్రీకాకుళంలోని తన చెల్లి ఇంటికి స్కూటీపై వెళ్తుండగా ఈ దుర్ఘటన జరిగింది. తలకు తీవ్ర గాయాలవడంతో ఆమె అక్కడికక్కడే మరణించారు. భర్త గతంలోనే మరణించడంతో, రమ మృతితో ఆమె ఇద్దరు కొడుకులు అనాథలయ్యారు. ప్రమాదం ఎలా జరిగింది అనేది తెలియాల్సి ఉంది. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.