విశాఖ: పీవీ జయంతి, వర్ధంతిని అధికారికంగా నిర్వహించాలి

మాజీ ప్రధాని, భారతరత్న పీవీ నరసింహారావు జయంతి, వర్ధంతి వేడుకలను ప్రభుత్వం అధికారికంగా నిర్వహించాలని మాజీ ఎంపీ జీవీఎల్ నరసింహారావు కోరారు. ఆదివారం విశాఖలో పీవీ 105వ జయంతి వేడుకలు జరిగాయి. ఈ సందర్భంగా జీవీఎల్ మాట్లాడుతూ, ఆర్థిక సంస్కరణలతో పీవీ దేశ గతిని మార్చారని, 16 భాషలు తెలిసిన బహుముఖ ప్రజ్ఞాశాలి అని కొనియాడారు. ఎంపీ ఎం. శ్రీభరత్, ఎమ్మెల్యేలు పల్లా శ్రీనివాసరావు, వెలగపూడి రామకృష్ణ, వంశీకృష్ణ శ్రీనివాస్ కూడా పీవీ విగ్రహానికి నివాళులర్పించారు.