విశాఖలో రైల్వే జోన్ కార్యాలయాన్ని సందర్శించిన సీఎం

విశాఖపట్నంలోని వీఎంఆర్డీఏలో ఉన్న సౌత్ కోస్టల్ రైల్వే జోన్ కార్యాలయాన్ని ముఖ్యమంత్రి చంద్రబాబు నాయుడు, కేంద్ర రైల్వే శాఖ మంత్రి అశ్వినీ వైష్ణవ్ మంగళవారం సందర్శించారు. ఈ సందర్భంగా రైల్వే జోన్ ప్రారంభం, రాష్ట్రంలోని కీలక రైల్వే ప్రాజెక్టుల పురోగతిపై వారు సమీక్ష నిర్వహించారు. రాష్ట్రంలో మరికొన్ని కొత్త సెక్షన్లను జోన్‌లో విలీనం చేయాలని, లాజిస్టిక్స్ కనెక్టివిటీని మెరుగుపరచాలని సీఎం కేంద్రమంత్రికి విజ్ఞప్తి చేశారు. ఈ పర్యటనలో కేంద్రమంత్రి రామ్మోహన్ నాయుడు, పలువురు శాసనసభ్యులు, ఉన్నతాధికారులు పాల్గొన్నారు.