తారాబు జలపాతం ఆకర్షణగా మారింది

పెదబయలు–ముంచంగిపుట్టు మండలాల సరిహద్దులో ఉన్న తారాబు జలపాతం ఇటీవల కురిసిన భారీ వర్షాలతో ఉద్ధృతంగా ప్రవహిస్తోంది. ఎత్తైన కొండలపై నుంచి పాల నురుగులా జాలువారుతూ, పచ్చని ప్రకృతి ఒడిలో తన అందాలను ఆవిష్కరిస్తున్న ఈ జలపాతం వద్దకు పర్యాటకులు, ప్రకృతి ప్రేమికులు తరలివచ్చి, దాని సోయగాలను తమ కెమెరాలలో బంధిస్తున్నారు. ప్రకృతి రమణీయతను ఆస్వాదించడానికి ఇది ఒక అద్భుతమైన ప్రదేశంగా మారింది.