క్లాత్ బ్యాగ్ తయారీ శిక్షణ ముగింపు

చింతూరు ప్రభుత్వ డిగ్రీ కళాశాలలో పి.ఎం. ఉష ఆర్థిక సహకారంతో కాన్ఫడరేషన్ ఆఫ్ ఉమెన్ ఎంటర్ప్రెన్యూర్స్ (C.O.W.E.) ఆధ్వర్యంలో రెండు రోజుల క్లాత్ బ్యాగ్ తయారీ శిక్షణా కార్యక్రమం శుక్రవారం ముగిసింది. ఈ సందర్భంగా కళాశాల ప్రిన్సిపల్ డా. కె. రత్నమాణిక్యం మాట్లాడుతూ, శిక్షణలో నేర్చుకున్న నైపుణ్యాలను నిరంతరం సాధన చేయడం ద్వారా ఉపాధి అవకాశాలను మెరుగుపరుచుకోవచ్చని సూచించారు. C.O.W.E. ఏపీ చాప్టర్ సెక్రటరీ కె. విజయలక్ష్మి ట్రైనర్ల సహకారం ఎల్లప్పుడూ అందుబాటులో ఉంటుందని తెలిపారు.