లక్కవరం పాఠశాలలో తల్లిదండ్రుల-ఉపాధ్యాయుల సమావేశం: విద్యార్థుల ప్రగతిపై చర్చ

అల్లూరి సీతారామరాజు జిల్లా, చింతూరు మండలం, లక్కవరం గ్రామ ప్రాథమిక పాఠశాలలో శుక్రవారం (డిసెంబర్ 5, 2025) తల్లిదండ్రుల-ఉపాధ్యాయుల సమావేశం (PTM 3.0) జరిగింది. ఉపాధ్యాయురాలు అరుణ ప్రతి విద్యార్థి ప్రగతి నివేదికను తల్లిదండ్రులకు వివరించారు. పిల్లల చదువులో మెరుగుదలకు ఇంటి వద్ద తీసుకోవాల్సిన జాగ్రత్తలను తెలియజేశారు. పాఠశాల అభివృద్ధికి, విద్యార్థుల భవితకు తల్లిదండ్రులు, ఉపాధ్యాయుల మధ్య సమన్వయం అవసరమని ఉపాధ్యాయులు పేర్కొన్నారు. ఈ సమావేశానికి తల్లిదండ్రులు, గ్రామ పెద్దలు హాజరయ్యారు.