రంపచోడవరం - Rampachodavaram

కొల్లాపూర్ ఎమ్మెల్యే, మంత్రి జూపల్లి కృష్ణారావు గురువారం రవీంద్ర భారతిలో ప్రోహిబిషన్ & ఎక్సైజ్ కేలండర్ ను ఆవిష్కరించారు. అక్రమ మద్యం, మాదకద్రవ్యాల రవాణాను సమర్థవంతంగా అరికట్టడమే అధికారుల ప్రథమ కర్తవ్యం కావాలని ఆయన అన్నారు. క్షేత్రస్థాయిలో నిరంతరం సోదాలు నిర్వహిస్తూ, నిబంధనల ఉల్లంఘనలపై కఠిన చర్యలు తీసుకోవాలని, ప్రభుత్వ మద్యం విధానాలను పక్కాగా అమలు చేస్తూ రాష్ట్ర ఆదాయాన్ని వృద్ధి చేసే దిశగా అంకితభావంతో కృషి చేయాలని సూచించారు. మత్తు పదార్థాలు, మాదకద్రవ్యాల ప్రభావంపై ప్రజల్లో అవగాహన కల్పించాల్సిన బాధ్యత అధికారులపై ఉందని, మద్యం వల్ల కలిగే అనర్థాల గురించి వివరిస్తూ, మాదకద్రవ్యాల నివారణలో రాజీలేని పోరాటం చేయాలని ఆయన పేర్కొన్నారు.