విశాఖ‌: కూటమి ప్రభుత్వంతోనే సుస్థిర పాలన

తెలుగుదేశం పార్టీ విశాఖ జిల్లా అధ్యక్షులు చోడే వెంకట పట్టాభిరామ్, ముఖ్యమంత్రి చంద్రబాబు నాయుడు నేతృత్వంలోని కూటమి ప్రభుత్వం రాష్ట్రంలో సుస్థిరమైన పాలన అందిస్తోందని పేర్కొన్నారు. బుధవారం పార్టీ కార్యాలయంలో జరిగిన మీడియా సమావేశంలో ఆయన మాట్లాడుతూ, పవన్ కళ్యాణ్, నరేంద్ర మోదీ సహకారంతో ఎన్నికల హామీలను నెరవేరుస్తున్నామని తెలిపారు. సూపర్-6 పథకాలతో పాటు ఎన్టీఆర్ భరోసా, తల్లికి వందనం, ఉచిత బస్సు ప్రయాణం, దీపం-2, అన్నా క్యాంటీన్లు వంటి కార్యక్రమాల ద్వారా అన్ని వర్గాల ప్రజలను ఆదుకుంటున్నట్లు వివరించారు.