వైజాగ్ చేరుకున్న వైఎస్ జగన్

మాజీ ముఖ్యమంత్రి, వైసీపీ అధినేత వైఎస్ జగన్మోహన్ రెడ్డి బుధవారం విశాఖపట్నం చేరుకున్నారు. విమానాశ్రయంలో ఆయనకు పార్టీ నేతలు, కార్యకర్తలు ఘనస్వాగతం పలికారు. ఈ పర్యటనలో భాగంగా అరకు ఎమ్మెల్యే మత్స్యలింగం కుమారుడి వివాహ వేడుకలో పాల్గొని నూతన వధూవరులను ఆశీర్వదించనున్నారు. అనంతరం మాజీ ఎమ్మెల్యే వాసుపల్లి గణేష్ కుమార్ కుమారుడి వివాహ రిసెప్షన్ వేడుకకు హాజరుకానున్నారు. జగన్ రాకతో విశాఖలోని పార్టీ శ్రేణుల్లో నూతనోత్సాహం నెలకొంది.