బరువు తగ్గాలనుకుంటున్నారా? ఈ 3 తప్పులు చేస్తే కష్టమే!

మంచి ఆహారం, వ్యాయామం చేస్తున్నా బరువు తగ్గకపోవడానికి కేవలం క్యాలరీలు మాత్రమే కారణం కాదని, నీరు, ఒత్తిడి, నిద్ర వంటి మూడు అంశాలను నిర్లక్ష్యం చేయడమే అసలు కారణమని ప్రముఖ ఫిట్‌నెస్ ట్రైనర్ తెలిపారు. రోజుకి సరిపడా నీరు తాగకపోతే కిడ్నీలు, లివర్ పనితీరుపై ప్రభావం పడి కొవ్వు పేరుకుపోతుంది. ఒత్తిడి వల్ల కార్టిసాల్ హార్మోన్ విడుదలై తీపి పదార్థాలు తినాలనిపిస్తుంది, మెటబాలిజం నెమ్మదిస్తుంది. సరైన నిద్ర లేకపోతే ఆకలి పెంచే హార్మోన్లు ఎక్కువై ఎక్కువగా తినేస్తారు. రోజుకు 7-8 గంటల నిద్ర, ఒత్తిడి తగ్గించుకోవడం, తగినంత నీరు తాగడం బరువు తగ్గడానికి అత్యవసరం.