డ్రై అవుట్‌లెట్లు లేకుండా కట్టుదిట్టమైన చర్యలు.. జేసీ

జిల్లాలో డీజిల్ కొరత లేదని, ప్రజలు ఆందోళన చెందాల్సిన అవసరం లేదని జిల్లా జాయింట్ కలెక్టర్ రాహుల్ కుమార్ రెడ్డి ఆదివారం తెలిపారు. భీమవరం జిల్లా కలెక్టర్ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ, జిల్లాకు రోజుకు 3 లక్షల లీటర్ల డీజిల్ అవసరం కాగా, ప్రస్తుతం 4.5 లక్షల లీటర్ల వరకు సరఫరా అవుతోందని వివరించారు. జిల్లా యంత్రాంగం డీజిల్ సరఫరాను సమన్వయంతో పర్యవేక్షిస్తోందని, ఎటువంటి ఇబ్బందులు తలెత్తకుండా చర్యలు తీసుకుంటున్నట్లు తెలిపారు.