చింతలపూడిలో నిబంధనలు మీరిన గ్యాస్ ఏజెన్సీలు: అక్రమ రవాణాపై ఆరోపణలు

చింతలపూడిలో గ్యాస్ ఏజెన్సీలు నిబంధనలను పాటించడం లేదని స్థానికులు ఆరోపిస్తున్నారు. మోటార్ సైకిళ్లపై అనుమతులు లేకుండా గ్యాస్ రవాణా చేస్తూ, ఒక్కో సిలిండర్‌కు అదనంగా రూ.100 వసూలు చేస్తున్నారని ఆరోపణలున్నాయి. వాణిజ్య, గృహ అవసరాలకు సిలిండర్లు అమ్ముతూ డబ్బులు దండుకుంటున్నారని, అనుమతి లేని వాహనాల్లో గ్యాస్ బండలను తరలిస్తున్నారని తెలుస్తోంది. పౌర సరఫరా, రెవెన్యూ అధికారులు పట్టించుకోకపోవడంతో ఈ అక్రమ వ్యాపారం జోరుగా సాగుతోందని ప్రజలు విమర్శిస్తున్నారు.