కైకలూరులో ఏటీఎం దొంగ అరెస్ట్

కైకలూరు కో-ఆపరేటివ్ బ్యాంక్ ఏటీఎంలో చోరీకి ప్రయత్నించిన నాగరాజును పోలీసులు అరెస్ట్ చేశారు. ఈ నెల 24 తెల్లవారుజామున నిందితుడు ఏటీఎం యంత్రాన్ని ధ్వంసం చేసినా, నగదు దొరకకపోవడంతో పరారయ్యాడు. సీసీటీవీ ఫుటేజ్, సాంకేతిక ఆధారాలతో నిందితుడిని గుర్తించి రైల్వే స్టేషన్ వద్ద అదుపులోకి తీసుకున్నట్లు ఎస్ఐ వెంకట్ కుమార్ తెలిపారు. దొంగతనం విఫలమైనప్పటికీ ప్రభుత్వ ఆస్తి నష్టంపై కేసు నమోదు చేసి రిమాండ్‌కు తరలించారు.