బహ్రెయిన్‌లో జిల్లాకు చెందిన యువతి మృతి

ఉపాధి కోసం బహ్రెయిన్ వెళ్లిన నరసాపురం మండలం చిట్టవరానికి చెందిన వర్ధనపు కవిత (24) అక్కడ ఆత్మహత్య చేసుకుంది. నాలుగు నెలల క్రితం ఉపాధి కోసం వెళ్లిన ఆమె, ఈ నెల 23న తాను ఉంటున్న గదిలో ఉరివేసుకుని మృతి చెందినట్లు కుటుంబ సభ్యులకు సమాచారం అందింది. కూతురి మృతితో తల్లిదండ్రులు తీవ్ర దుఃఖంలో మునిగిపోయారు. మృతికి గల కారణాలు ఇంకా తెలియాల్సి ఉంది.