తణుకు వర్చువల్ విధానంలో మహానాడు

తెలుగుదేశం పార్టీ ఆధ్వర్యంలో తణుకు నియోజకవర్గంలో ప్రారంభమైన మహానాడు కార్యక్రమాలకు విశేష స్పందన లభిస్తోంది. ఎమ్మెల్యే ఆరిమిల్లి రాధాకృష్ణ ఆధ్వర్యంలో వర్చువల్ విధానంలో 10 క్లస్టర్ల పరిధిలో మహానాడును వీక్షించేందుకు ఏర్పాట్లు చేశారు. ఈ కార్యక్రమాల్లో తెలుగుదేశం పార్టీ శ్రేణులు, సమీప గ్రామాల నుంచి కార్యకర్తలు, నాయకులు పెద్ద సంఖ్యలో పాల్గొన్నారు. కళ్యాణ మండపాలు, ఫంక్షన్ హాళ్లలో ఏర్పాటు చేసిన స్క్రీన్ల ద్వారా మహానాడును వీక్షించారు.