నిడదవోలు - Nidadavole

బేటీ బచావో – బేటీ పడావో నినాదంతో 2015 జనవరి 22న ప్రారంభమైన సుకన్య సమృద్ధి యోజన విజయవంతంగా 11 ఏళ్లు పూర్తి చేసుకుంది. ఆడపిల్లల ఉన్నత చదువులు, పెళ్లి ఖర్చుల కోసం కేంద్ర ప్రభుత్వం అందిస్తున్న ఈ పథకం ఇప్పుడు ఇన్వెస్టర్లకు మంచి రాబడినిస్తోంది. వార్షిక పెట్టుబడి రూ.1.5 లక్షలు, 15 ఏళ్ల పెట్టుబడి కాలం, 21 ఏళ్ల మెచ్యూరిటీ కాలంతో ప్రస్తుత 8.20% వడ్డీ రేటుతో రూ.22.5 లక్షల పెట్టుబడికి రూ.49.32 లక్షల వడ్డీతో మొత్తం రూ.71.82 లక్షలు వస్తాయి. ఈ పథకం ప్రభుత్వ హామీతో రిస్క్ లేకుండా, సెక్షన్ 80C కింద పన్ను మినహాయింపుతో, నెలకు రూ.250తో కూడా తెరవవచ్చు. పాప 10 ఏళ్లలోపు, గరిష్టంగా ఇద్దరు ఆడపిల్లలకు, 21 ఏళ్ల తర్వాతే పూర్తి డబ్బు డ్రా చేసుకోవచ్చు, కానీ 18 ఏళ్లు నిండిన తర్వాత ఉన్నత చదువులకు 50% విత్‌డ్రా చేసుకోవచ్చు.