బద్వేల్: నిత్యపూజకోన జలపాతం వద్ద సందడి
బద్వేలు-కడప మార్గమధ్యంలోని అటవీ ప్రాంతంలో వెలసిన నిత్య పూజకోనలో కార్తీక సోమవారం మొదటి రోజు కావడంతో, దర్శనం కోసం భారీ సంఖ్యలో భక్తులు కోనకు చేరుకున్నారు. పూజల అనంతరం, భక్తులు గుడి సమీపంలోని జలపాతాల వద్దకు వెళ్లి కుటుంబ సభ్యులతో కలిసి ఆనందంగా గడిపారు. ఎత్తైన ప్రదేశం నుంచి ప్రవహిస్తున్న జలపాతాన్ని చూసి భక్తులు తమ సంతోషాన్ని వ్యక్తం చేశారు.
