భారత వాతావరణ విభాగం ప్రకారం, నైరుతి రుతుపవనాలు ఈసారి ముందుగానే వచ్చే అవకాశం ఉంది. ఈనెల 14 నుంచి 16 మధ్య ఇవి అండమాన్‌ నికోబార్‌ దీవులను తాకొచ్చని, ఇది సాధారణ సమయం కంటే కొంచెం ముందే కావడం గమనార్హం. దీంతో మేలో దేశవ్యాప్తంగా సగటు వర్షపాతం సాధారణం కంటే ఎక్కువగా ఉండే అవకాశం ఉంది. దక్షిణాది రాష్ట్రాలు, పశ్చిమ భారతంలో అధిక వర్షాలు కురిసే అవకాశం ఉంది. ఈశాన్య రాష్ట్రాలు, తూర్పు మధ్య భారతంలోని కొన్ని ప్రాంతాల్లో మాత్రం సాధారణం కంటే తక్కువ వర్షపాతం నమోదయ్యే సూచనలు ఉన్నాయి.