మేకల మేత విషయంలో గొడవ.. మహిళ హత్య!

యూపీలోని కాన్పూర్ జిల్లాలో మేకల మేత విషయంలో జరిగిన వివాదం ఓ మహిళ ప్రాణాలను బలి తీసుకుంది. నార్వాల్ పీఎస్ ప్రాంతంలో నివసిస్తున్న రాణి దేవి(55)కి అక్టోబర్ 2న మేకలను మేపడం గురించి తన పొరుగువాడైన సత్యంతో వాగ్వాదం జరిగింది. ఈ వివాదంలో ఆమె గాయపడింది. రాణి దేవి కుమార్తె మౌసామి ఆమెను పీఎస్ కు తీసుకెళ్లగా వారు ఆసుపత్రికి తీసుకెళ్లాలని సూచించారు. చికిత్స తర్వాత వారు ఇంటికి తిరిగి వస్తుండగా సత్యం, అతని కుటుంబం మరోసారి దాడి చేయడంతో రాణి దేవి చనిపోయింది.