మద్యం మత్తులో కారు డ్రైవింగ్ చేసిన యువకుడు.. చివరికి

మద్యం మత్తులో ఉన్న యువకుడు కారు డ్రైవ్‌ చేసి బీభత్సం సృష్టించాడు. గోవా రాజధాని పనాజిలో మంగళవారం ఒక యువకుడు మద్యం మత్తులో కారు నడిపాడు. అయితే కారును రివర్స్‌ చేసే క్రమంలో యాక్సిలరేటర్‌ను బలంగా నొక్కాడు. దీంతో ఆ కారు అదుపుతప్పింది. రివర్స్‌లో వేగంగా వెనక్కి వెళ్తూ బైకులను ఢీకొట్టి ఫుట్‌పాత్‌పైకి దూసుకెళ్లింది. అక్కడున్న 50 ఏళ్ల వ్యక్తిని ఢీకొట్టింది. దీంతో కారు, షాపు గోడ మధ్య చిక్కుకున్న అతడు తీవ్రంగా గాయపడ్డాడు. ఆ ప్రాంతంలోని సీసీటీవీలో రికార్డైన వీడియో క్లిప్‌ SMలో వైరల్‌ అవుతోంది.