ఉత్తరప్రదేశ్‌లోని లఖింపూర్ ఖేరీ జిల్లాలో దారుణం జరిగింది. మద్యం మత్తులో ఉన్న తండ్రి దయారామ్, తన కుమారుడు మునీష్‌ను (30) పదునైన ఆయుధంతో పొడిచి హత్య చేశాడు. కుటుంబ విషయమై తలెత్తిన వివాదం ఘర్షణకు దారితీయడంతో ఈ హత్య జరిగినట్లు తెలుస్తోంది. కుమారుడి మృతదేహాన్ని ఇంట్లోనే దాచిపెట్టినప్పటికీ, గ్రామస్థులకు విషయం తెలియడంతో పోలీసులకు సమాచారం అందింది. సోదరి ఫిర్యాదుతో రంగంలోకి దిగిన పోలీసులు, నిందితుడైన తండ్రి దయారామ్‌ను అరెస్టు చేసి, మృతదేహాన్ని పోస్టుమార్టం నిమిత్తం తరలించారు.