బేల: పెండింగ్ పనులను త్వరగా పూర్తి చేయండి

బేల మండలంలో అత్యంత వెనుకబడినటువంటి ఆదివాసి గ్రామాలలో గత ఏడాది ప్రారంభం కావలసిన పనులు నేటికీ ప్రారంభం కాలేదని, వెంటనే వాటిని ప్రారంభించి, ఆదివాసీలకు సౌకర్యాలు కల్పించాలని యువజన కాంగ్రెస్ అసెంబ్లీ ప్రధాన కార్యదర్శి రూపేష్ కోరారు. ఈ మేరకు బుధవారం జిల్లా పంచాయతీ రాజ్ ఈఈ శివరాంను వారి కార్యాలయంలో కలిసి వినతి పత్రం అందజేశారు. ఈ పనులపై ప్రత్యేక దృష్టి సారించి సకాలంలో పూర్తి చేసేలా చర్యలు తీసుకోవాలన్నారు.