ఆదిలాబాద్: బాబు జగ్జీవన్ రామ్ విగ్రహానికి నివాళులర్పించిన ఎమ్మెల్యే

స్వాతంత్ర సమరయోధుడు, సంఘసంస్కర్త బాబు జగ్జీవన్ రామ్ చేసిన సేవలు మరవలేనివని ఎమ్మెల్యే పాయల్ శంకర్ అన్నారు. ఆదివారం బాబు జగ్జీవన్ రామ్ వర్ధంతి సందర్భంగా ఆయన విగ్రహం వద్ద పుష్పాంజలి ఘటించి, ఘన నివాళి సమర్పించారు. అనంతరం ఆ మహనీయుడు చేసిన సేవలను స్మరించుకున్నారు. మహనీయుల ఆశయాలను నెరవేర్చే దిశగా ప్రభుత్వం కృషి చేయాలన్నారు. ఎస్సీ కార్పొరేషన్ ఈడీ మనోహర్, దళిత సంఘాల నాయకులు ఉన్నారు.