ఆసిఫాబాద్: అమ్మాయి ప్రేమ కోసం సెల్ టవర్ ఎక్కిన యువకుడు

కొమురం భీమ్ ఆసిఫాబాద్ జిల్లా బెజ్జూరు మండలం మద్దిగూడ గ్రామానికి చెందిన కోరితే కిష్టయ్య అనే యువకుడు, సులుగుపల్లి గ్రామానికి చెందిన అమ్మాయిని నాలుగు నెలలుగా ప్రేమిస్తున్నానని, అమ్మాయి తల్లిదండ్రులు అడ్డుకుంటున్నారని ఆరోపిస్తూ శుక్రవారం సులుగుపల్లి గ్రామంలోని సెల్ టవర్ ఎక్కి గంటసేపు హైడ్రామా సృష్టించాడు. గ్రామస్తుల సమాచారం మేరకు సంఘటనా స్థలానికి చేరుకున్న బెజ్జూర్ ఎస్సై సర్తాజ్ పాష, యువకుడిని టవర్ నుంచి దించి అదుపులోకి తీసుకున్నారు. యువకుడికి కౌన్సిలింగ్ ఇస్తున్నట్లు ఎస్సై తెలిపారు.