ఆరుగురితో వెళ్తున్న ఎయిర్‌ అంబులెన్స్‌ గల్లంతు!

కెనడాకు చెందిన లాటిట్యూడ్ ఎయిర్ అంబులెన్స్ సంస్థకు చెందిన గల్ఫ్‌స్ట్రీమ్ జీ100 విమానం అమెరికా తీర ప్రాంతంలో అదృశ్యమైంది. నాన్‌టుకెట్ సమీపంలో ప్రయాణిస్తున్నప్పుడు ఈ విమానంతో సంబంధాలు తెగిపోయాయి. వైద్య రవాణా ఆపరేషన్‌లో ఉన్న ఈ విమానంలో ఇద్దరు పైలట్లు, ఇద్దరు వైద్య సిబ్బంది, ఒక రోగి, అతని కుటుంబ సభ్యుడు సహా ఆరుగురు ప్రయాణిస్తున్నారు. బెర్ముడాలోని ఎల్ఎఫ్ వేడ్ అంతర్జాతీయ విమానాశ్రయం నుంచి బోస్టన్ లోగాన్ అంతర్జాతీయ విమానాశ్రయానికి బయలుదేరిన ఈ విమానం, సుమారు రెండు గంటల ప్రయాణంలో రాడార్ నుంచి తప్పిపోయింది.