అన్నా హజారేకు అస్వస్థత.. ఐసీయూలో చికిత్స

ప్రముఖ సామాజిక కార్యకర్త అన్నా హజారే (87) అస్వస్థతకు గురయ్యారు. వైరల్ ఇన్‌ఫెక్షన్, డీహైడ్రేషన్‌తో ఆరోగ్యం క్షీణించడంతో సోమవారం ముంబయిలోని బాంబే ఆసుపత్రి ఐసీయూలో చేర్పించారు. తొలుత రాలేగణ్ సిద్ధి సమీపంలోని ఆసుపత్రిలో చికిత్స పొందిన ఆయనకు పరిస్థితి విషమించడంతో మెరుగైన వైద్యం కోసం ముంబయికి తరలించారు. కిడ్నీ పనితీరుతో పాటు ఇతర ఆరోగ్య పరీక్షలు నిర్వహిస్తున్నారు. వైద్యుడు గౌతమ్ భన్సాలి పర్యవేక్షణలో హజారేకు చికిత్స కొనసాగుతోంది.