చక్కెర ధరల నియంత్రణకు కేంద్రం మరో నిర్ణయం

చక్కెర ధరలను అదుపులోకి తెచ్చేందుకు కేంద్ర ప్రభుత్వం మరో కీలక నిర్ణయం తీసుకుంది. డీలర్ల వద్ద చక్కెర నిల్వ పరిమితిని 2000 క్వింటాళ్ల నుంచి 1000 క్వింటాళ్లకు తగ్గించింది. అక్టోబర్ 15 నుంచి నవంబర్ 30 వరకు ఈ నిబంధనలు అమలులో ఉంటాయి. డీలర్లు 15 రోజులకు మించి నిల్వలు ఉంచుకోవడానికి వీల్లేదని స్పష్టం చేసింది. ఈ చర్యల ద్వారా ధరలు నియంత్రణలోకి రావడమే కాకుండా, కృత్రిమ కొరతను నివారించవచ్చని కేంద్రం భావిస్తోంది.