కాలువలో మునిగిన ఆర్మీ ట్యాంక్‌.. సైనికుడు మృతి

రాజస్థాన్‌లోని శ్రీగంగానగర్ జిల్లాలో మంగళవారం ఉదయం సైనిక విన్యాసాలు నిర్వహిస్తుండగా, ఆర్మీ ట్యాంకు ఇందిరా గాంధీ కాలువలో మునిగిపోయింది. ఈ దుర్ఘటనలో ఇద్దరు సైనికుల్లో ఒకరు ప్రాణాలతో బయటపడగా, మరొకరు మరణించారు. విపత్తు ప్రతిస్పందన దళం సహాయంతో పోలీసులు మృతదేహాన్ని వెలికితీసి, పోస్ట్‌మార్టం కోసం ఆసుపత్రికి తరలించారు. ఈ ఘటనపై పోలీసులు దర్యాప్తు చేస్తున్నారు.