అసెంబ్లీ బహిష్కరణ.. గులాబీ పార్టీ వ్యూహం ఏమిటీ?

తెలంగాణ శీతాకాల సమావేశాలు ప్రారంభమైన రెండవ రోజే బీఆర్ఎస్ నాయకులు అసెంబ్లీ నుంచి పూర్తిగా వైదొలిగారు. గత 10 ఏళ్లలో చేసిన తప్పులకు అధికార పార్టీ నుంచి వస్తున్న వ్యక్తిగత దాడులే దీనికి ప్రధాన కారణాలుగా కనిపిస్తున్నాయి. తమకు మాట్లాడే అవకాశం ఇవ్వడం లేదని, స్పీకర్ కాంగ్రెస్ పార్టీకి అనుకూలంగా వ్యవహరిస్తున్నారని బీఆర్ఎస్ నేతలు ఆరోపిస్తున్నారు. సభలో కూర్చొని నిర్లక్ష్యం భరించే బదులు, బయటకు వచ్చి నిరసన తెలపడం ద్వారా ప్రజల్లో సానుభూతి పొందాలని పార్టీ భావిస్తోంది. ఇది వెనుకడుగు కాకుండా ఒక వ్యూహాత్మక నిర్ణయంగా బీఆర్ఎస్ భావిస్తోంది.