తమిళనాడులో కొత్త రాజకీయ సమీకరణాలకు తెరలేపుతూ, టీవీకే (TVK) పార్టీకి కాంగ్రెస్ షరతులతో కూడిన మద్దతు ప్రకటించింది. మతతత్వ శక్తులను కూటమికి దూరంగా ఉంచాలనే ప్రధాన లక్ష్యంతోనే ఈ మద్దతు ఇస్తున్నట్లు ఏఐసిసి తమిళనాడు ఇంచార్జి గిరీష్ చోడంకర్ ఒక లేఖలో వెల్లడించారు. రాష్ట్రంలో లౌకిక, అభ్యుదయ మరియు సంక్షేమ ప్రభుత్వాన్ని అందించడమే ఈ తీర్పు ఉద్దేశమని కాంగ్రెస్ వ్యాఖ్యానించింది. కేవలం ప్రభుత్వం ఏర్పాటుకే కాకుండా, భవిష్యత్తులో జరగబోయే స్థానిక సంస్థలు, లోక్‌సభ మరియు రాజ్యసభ ఎన్నికల్లోనూ టీవీకేతో కలిసి పనిచేస్తామని స్పష్టం చేసింది.