ఎబోలా మృతులను సురక్షితంగా పూడ్చిపెట్టే బృందంపై దాడి

కాంగోలో ఎబోలా నియంత్రణ చర్యలకు అంతరాయం కలిగించే ఘటన చోటుచేసుకుంది. సౌత్ కీవు ప్రాంతంలో ఎబోలా మృతదేహాలను సురక్షితంగా ఖననం చేసే ప్రత్యేక బృందంపై స్థానికులు దాడికి పాల్పడ్డారు. దీంతో సిబ్బంది ఓ ఎబోలా బాధితుడి మృతదేహాన్ని అక్కడే వదిలి ప్రాణాలు దక్కించుకునేందుకు పారిపోయినట్లు సమాచారం. ఇదే సమయంలో చికిత్స పొందుతున్న 11 మంది ఎబోలా రోగులు కూడా పరారైనట్లు అధికారులు వెల్లడించారు. ఈ ఘటనతో వైరస్ వ్యాప్తిపై ఆందోళనలు వ్యక్తమవుతున్నాయి. పరిస్థితిని అదుపులోకి తెచ్చేందుకు అధికారులు చర్యలు చేపట్టారు.